Þið verðið að fara að kíkja á nýju síðuna mína,

þetta gengur ekki lengur,

það koma fleiri inn á þessa síðu heldur en á hina og er ég þó búin að auglýsa hana vel

 

Kíkið á þessa síðu :

http://siggavigga.bloggar.is

 Kveðja Sigga Vigga og bumbubúinn

Ŵ̉瑳潲杮

Þið getið haldið áfram að fylgjar með mér á þessari síðu : http://siggavigga.bloggar.is 

Það er komið nýtt blogg og ekkert erfitt að kvitta

Endilega kíkjið þið við hjá mér og kvittið

Kveðja....

Feita Dúfan  

Jæja loksins kemur ný færsla

Það er margt og mikið búið að ske á stuttum tíma

Ég er byrjuð í Háskólanum og ELSKA það.. bekkjarfélar mínir eru æði. Þeir eru til í að skilja dönskuna mína og hrósa mér fyrir það að vera til í að reyna að tala dönsku sem að mér finnst bara frábært..auðvitað Það er svo gaman í skólanum og bekkurinn nær svo vel saman, samt erum við frá 18 ára og upp í rúmlega 40 ára, og mér sýnist það bara gefa bekknum breidd

Ég var beðin um að koma að vinna á fredagsbarnum því að ég skil bæði íslendingana og danina Sem að er auðvitað kostur

En nóg af mér.. Birgitta er byrjuð að æfa sund, þar sem að það er ekki kennt skólasund hér í skólanum   Og við vildum að hún lærði að synda, alger nauðsyn !!!

Hún er einnig svo innilega dugleg við að læra að reikna, að ég verð að takmarka tímann sem að hún eyðir í reikning á hverju kvöldi sem að er bara gott mál

Og stóra fréttir... Guðbjörg María er byrjuð að pissa í klósett Jamm bara mjög dugleg litla daman

En annars þá er ég komin með aðra síðu siggavigga.bloggar.is  því að ég frétti að sumir hefðu reynt að kommenta allt að 23 sinnum á þessari síðu án þess að ná í gegn svo ég er að skipta

Ég er ekki byrjuð að blogga þar en ég er búin að færa allt gamal bloggið mitt þangað.

Það er bara svo mikið að gera hjá mér þessa dagana, en ég mun pottþétt láta ykkur vita þegar ég næ að næla mér í smá tíma til að blogga..núna er klukkan 05.56 að nóttu og Ívar steinsofnaður og ég ætla að skella mér í háttinn og slútta djamminu núna... já ég er PÍNU hífuð hahahaha en svona er þetta

Kærlig hilsen frá danabúanum..

Feitu dúfunni

( sem að hélt með íslandi og fékk að finna fyrir því þegar hún kom í skólann   )

Ívar náði prófinu svo núna er miklu fargi af okkur létt...ekki það ég vissi allaf að maðurinn minn gæti þetta

Nei svona í alvöru ég tel mig vera mjög heppna með maka val Hann er æði, drauma prinsinn minn

Jæja vildi bara láta ykkur forvitna fólkið vita að við verðum pottþétt hér lengur haha

Kveðja

Feita Dúfan

Jamm og það er alveg pottþétt fleiri sem að kíkja á síðuna mína en þeir sem að kvitta....bara sorglegt   Viljið þið virkilega ekki segja hver þið eruð.. ég er svo forvitin Endilega sendið kveðju...Sakna ykkar allra

Vá það er æðislegt að sofa í sínu eigin rúmi

Já það er skrítið að segja ég er komin heim..og vera að tala um danmörk En svona er það nú víst...við erum bara orðin svona dönsk í okkur

Það var samt alveg æðislegt að koma heim en það verður að segjast að heill mánuður inni á öðrum er bara einfaldlega of erfiður, og manni er farið að langa mikið heim undir lokin.

Það var mikið brallað á þessum mánuði..ég fór á frábært vinkonu djamm á kaffi Duus í keflavík, Jenný, Fanney, Dóra, Elín, Rakel...takk alveg æðislega fyrir kvöldið það var svo gaman og svo rákumst við á Gunnlaugu líka þetta kvöld svo að það var mjög gaman

Ég náði einnig að kíkja upp á Akranes til Örnu vinkonu og fjölskyldu hennar á annann í jólum...Emilía litla prinsessa átti 2 ára afmæli og það var svaka fjör Þvílíkir grallarar sem að börnin okkar breytast í þegar þau hittast

Einnig náði ég að kíkja á Ernu vinkonu sem að býr fyrir utan Selfoss, þegar við vorum uppi í bústað. Hún á strák sem að heitir Árni og er jafn gamall Birgittu ( bara 4 dagar á milli þeirra ) hann er víst heldur feyminn svona yfirleitt, en auðvitað tókst mínum dömum að ná honum svo hratt út úr skelinni að fyrr en varði var orðið MIKIÐ fjör og ofsalega gaman...við náum að hittast svo ofboðslega sjaldan en við verðum aðreyna að bæta úr því

Það er svo skrítið að þó að ég nái sjaldan að hitta vini mína og vinkonur, þá er eins og við höfum hist síðast í gær þegar við náum að hittast aftur..ég segi að þegar það er svoleiðis þá á maður sanna vini, því að þó að það líði 3 ár þá er það eins og einn dagur ef að maður á sanna vini SAKNA YKKAR ALLRA SAMT, ÞEGAR ÞIÐ ERUÐ EKKI NÁLÆGT  

Því miður náði ég ekki að heimsækja alla sem að mig langaði til að heimsækja, og til þeirra sem að ég var búin að segjast ætla að reyna að kíkja við hjá...fyrigefið þið mér en það er bara eins og tíminn renni bara frá manni 

Það var einnig mikið um útköll...ég og Ívar vorum auðvitað mjög ánægð með að getað hjálpað. Ég komst að því að það var smá þörf fyrir mig í svæðisstjórninni og það var eins og ég hefði aldrei flutt út Það er alltaf gaman að getað hjálpað, en ég verð að viðurkenna að þegar maður hugsar út í þetta frá sjónarhorni þeirra sem að hafa aldrei verðið í björgunarsveit eða í kring um þær þá skil ég að það sé horft á okkur eins og einhverja vitleysinga fyrir það að vilja fara út í aftaka veðri til að festa niður þakplötur og báta, leita að fólki oftast í brjáluðu veðri eða eins og þarna úti á Hvalsnesi..að leita í sjó, sem að ég verða að segja að er ekki auðvelt í vondu veðri.. en ég gæti bara ekki setið heima og horft á...vá ég myndi pottþétt bilast við það, en ég er líka alin upp í björgunarsveit og þar er fólkið sem að mér þykir svo vænt um, enda bara gott fólk og skemmtilegt í þessu starfi. Þetta og kórinn er eiginlega það eina sem að ég sakna frá íslandi...fyrir utan fólkið auðvitað

En mikið er nú samt gott að komast aftur inn í smá skipulag...stelpurnar eru svo sáttar, Birgittu var fagnað af vinkonum sínum þegar hún kom í skólann og datt strax inn í skóladaginn eins og ekkert væri. Og það var tekið vel á móti Guðbjörgu og svo heyrðist bara úr öllum hornum á deildinni...Guðbjörg er komin og svo var mikið fagnað...og það fyrsta sem að litla skottan gerði var að hlaupa í fangið á honum Søren sem að vinnur á deildinni hennar og knúsa hann alveg svakalega litla skottan var víst að knúsa allt starfsfólkið þennann dag frétti ég þegar ég sótti hana, haha góð á því..vinna sér inn smá punkta þá kemst maður upp með svo margt ekki satt??

Ívar hefur lítið sést hér heima nema seint á kvöldin, hann er nefnilega að klára að setja saman lokaverkefnið sem að er líka próf Hann er svolítið stressaður, en ég hef fulla trú á honum. Það er bara svolítið erfitt að vera að taka munnlegt próf á tungumáli sem að manni finnst maður ekki vera það sleipur í. En danskan er öll að koma til hjá okkur og ég er alveg viss um að hann stendur sig vel eins og alltaf þessi elska

Jæja ég byrja í skólanum þann 30 jan og ég verð að segja eins og er að ég er svolítið stressuð, þetta nám er ekki auðvelt skilst mér, stíft prógramm í eitt og hálft ár..úff!!

En að öðru ég er byrjuð aftur í DDV og er bara þokkalega dugleg að fara eftir prógramminu. Minn galli er sá að mér finnst alveg ógurlega leiðinlegt að borða og nenni helst ekki að gera það...en það bitnar auðvitað á manni seinnipartinn því að þá byrjar maður að narta eins og vitleysingur. En í þessu þá á maður að borða ákveðið mikið í hverja máltíð og hér í Odense fékk ég allavega bara prógramm sem að er búið að setja upp fyrir mig, meira að segja með innkaupalista og öllu...svo núna er það bara harkan á þetta "viss mí gúd lukk, æ nít it"

Jæja bara komin með skrifkrampa og þarf að fara að finna til kvöldmatinn fyrir mig og stelpurnar.."Chili con carne" ala DDV...það vantar ekki að það er ofboðslega góður matur í þessum lífstíl og ég hef séð svo marga "tapa sér" í þessu prógrammi og ég er svo stolt af þessu fólki...já þið vitið hver þið eruð

Jæja aftur og bless í þetta sinn

Hilsen frá Odense....

Feita Dúfan

Jæja þá erum við komin á klakann og jólin búin. Ég stóðst allt jólastress þessi jól og bakaði ekkert og sendi engin kort þessi jól, það getur verið að ég sendi eitthvað á næstu dögum ef ég nenni
Reyndar þá finnst mér pínulítið eins og jólin hafi bara ekki komið þetta árið!! Ekkert stress og bara afslöppun og gaman. Reyndar var mikill þvælingur á okkur á milli fjölskyldna og verð ég að segja eins og er að ég væri alveg til í að prufa að vera bara á einum stað á aðfangadag og minnka þar með enn meira stressið Ég hlít að læra þetta næstu jól

Það er búið að vera gaman að koma heim á klakann en ég verð að viðurkenna að mig er farið að langa svolítið heim til danmerkur!! Já rúmið mitt lokkar alveg gífulega mikið

Jæja hef þetta bara stutt í bili og óska ykkur öllum Gleðilegra Jóla og farsældar á komandi ári, þakka kærlega allar heimsóknirnar á árinu sem er að líða.

Svo byrja ég í skólanum 30 janúar og þá læt ég ykkur nú vita hvernig gengur með það. En eins og er þá er ég ekki í netsambandi ( vantar netið heima hjá tengdó   ) og ég er komin í mikið fráhvarf...svo þið sem að eruð vön að fá kveðju frá mér svona öðru hverju..ekki örvænta ég er ekki hætt, bara sambandslaus

Jólakveðja og knús.....

Feita Dúfan

Jæja það er alveg fullt af fólki sem að kíkir á síðuna á hverjum degi en svo er bara kannski einn sem að kvittar....ekki gaman ég er svo forvitin

Jæja þá er að styttast í íslandsförina, bara 2 dagar, tæplega. Mikið hlakkar mig til að hitta ykkur öll

Jæja búin að vera á fullu á jólaböllum og er eflaust búin að borða yfir mig af eplaskífum og drekka aðeins of mikið af jólaglöggi Nammi namm bara gott... en jólin koma bara einu sinni á ári og mér er sama þótt að ég bæti á mig smá "grömmum " svona bara til að vera eins og kæri jóli, ég vill bara sína honum minn stuðning

Smá skoðunarkönnun sem að ég stal af síðunni hennar Fanneyjar Endilega svarið

1. Hvað kallarðu mig?

2. Hefurðu heyrt mig syngja, ef svo er hvernig hljómaði ég?

3. Hvað á ég eftir að vera að gera á týpísku laugardagskvöldi eftir tvö ár?

4. Þegar þú hugsar um mig, hvaða tvö lög dettur þér fyrst í hug?

5. Ef þú þekktir mig ekki, og mættir mér einhverstaðar, myndirðu halda að ég væri á lausu eða föstu?

6. Þegar þú hugsar til mín hvaða fimm hlutir detta þér fyrst í hug?

7. Hvernig sérðu mig fyrir þér í hljómsveit?

8. Hvernig stelpa er ég, og í hvaða týpu flokkarðu mig?

9. Hver er uppáhalds söngkonan/söngvarinn minn?

10. Hvaða lag minnir þig mikið á mig?

11. Hvað giskarðu á að ég verði gömul þegar ég trúlofa mig ?

12. Hversu vel telurðu þig þekkja mig?

13. Hvernig stráka fíla ég?

14. Hvað geri ég oftast þegar ég á frítíma?

15. Hvað er mest einkennandi við mig?

16. Hvaða búðir elska ég að fara í?

Jæja ætla að láta þetta gott heita í bili, verð að fara að pakka niður.

Kveðja

Feita Dúfan

Get ekki beðið eftir því að koma til Íslands og hitta vini og ættingja
Kíktum í dag í heimsókn til Halla, Svönsu, Rakelar Köru og bumbubúans
Það var æðislega gaman eins og alltaf þegar við hittumst.
Vá hvað tíminn líður svakalega hratt þegar við sitjum og spjöllum.
Fengum okkur eplaskífur, jólaglögg og höfum það bara "hyggeligt" á danska vísu.
Við munum svo hitta þau aftur á morgun og kíkjum við þá á jólaleikritið í Rosengaardcenter og hittum jólasveininn í Daglig Brugsen.
Held að það verði bara gaman fyrir litlu prinsessurnar

Ég er að fá smá áfall, er að gera mér grein fyrir því að ég er að fara í 4 próf í desember.
Úff mig hlakkar ekkert til.

Ívari gengur orðið mikið betur með dönskuna og fær hrós í skólanum fyrir það

Prinsessurnar eru alltaf við sama heygarðs-hornið svo að þar er ekkert nýtt að frétta.

Fékk  fyrsta jólakortið í dag Mikið þykir mér gaman að því...Guðrún frænka takk fyrir kortið og ég kíki pottþétt í heimsókn

Jæja verð að fara að sofa svo að ég komist á leikrit á morgun !!

Kveðja og mig hlakkar svakalega til að hitta ykkur öll....

Feita Dúfan

Jæja það er mjög líklega eitthvað kvikindi skríðandi inni í veggjunum á milli húsanna!! Ívar er í Bilka að kaupa gildrur svona bara til öryggis til að hafa uppi á háalofti

Að öður en skríðandi kvikindum !!

Ég er hætt við að fara með Norrænu heim og fer þess í stað með flugi, sem að er náttúrulega svakalegur tímasparnaður                                                                Kem sem sagt heim þann 9 des til Keflavíkur, en ef að ég hefði farið með skipinu þá hefði ég komið heim þann 12 des svo þarna fékk ég nokkra daga sem að ég get vel notað                                                                                                                          Enda eins og færðin er búin að vera fyrir austan þá hlakkaði mig ekkert til þess að keyra suður. Það var nú ekkert gaman að keyra í 9 klukkutíma alein í bíl, í rigningu og leiðindum síðasta sumar þegar ég fór með bílinn út, svo að mig hlakkaði ekkert til að keyra heim á smábíl, í snjó og leiðinda veðri með tvær óþolinmóðar stelpur í bílnum Og það er pottþétt að þetta hefði tekið meira en bara 9 klukkutíma sérstaklega þegar ég fengi að heyra á hálftíma fresti...ég þarf að pissa, ég er svöng, hvenær komum við til afa og ömmu..... Já þið getið ímyndað ykkur hvernig það væri haha

Ívar er á fullu í skólanum að gera sig klárann fyrir lokaverkefnið sem að þau fá í hendurnar þann 1 des. Svo núna sé ég minna og minna af manninum mínum !! Og í desember á ég eflaust ekki eftir að sjá mikið af honum Hann hefur alltaf verið komin heim í síðasta lagi 4 á daginn , flesta daga er hann nú samt komin fyrr heim !! Svona er maður orðin góðu vanur

Birgittu gengur vel í skólanum eins og alltaf, enda bráðskýr stelpa þar á ferð Vinafólk okkar heyrði hana tala dönsku um daginn og það eina sem að þau gátu sagt var.. "það mætti halda að þið hefðuð búið hér í nokkur ár en ekki nokkra mánuði", því að danskan velltur svoleiðis upp úr henni, með hreim, hraða og öllu!! Duglega stelpan mín Svo erum við foreldrarnir í bekknum sammála um að þessi bekkur sé mjög góður, það virðast allir geta leikið sér saman og enginn er útundan, sem að er auðvitað mjög góð byrjun og við verðum bara að vona að þetta haldist svoleiðis

Guðbjörg er búin að taka miklum framförum núna síðustu 2 vikur. Hún er farin að segja setningar á dönsku og skilur mjög mikið. Hún er einnig farin að tala íslenskuna skýrar, svo núna ætti að vera auðveldara að skilja hana Hún fær svo mikið hrós frá fóstrunum á leikskólanum þessa dagana að við erum í skýjunum, stoltir foreldrar

Og af mér að frétta er það að ég fann kór, og þau vilja endilega fá mig til að syngja með sér, mér skilst að það sé skortur á háa sópran Þetta er ekki kirkjukór en æfir samt í kirkjunni Mig hlakkar mikið til að kynnast fleiri dönum. Svo fann ég einnig tónlistaskóla sem að passar fyrir mig, en það eina er að ég kann ekki ítölsku og þýsku !! Svo að það verður að bíða í bili.

En ég er á fullu í því að sækja um skóla núna, svo verður bara að koma í ljós hvernig það gengur.

Jæja verð að segja að ég er með jólastemminguna á fullu, já ég stóðst ekki mátið og er búin að skreyta smá hér heima Jólalögin óma og malt og appelsín drukkið reglulega til að fá smá íslenskann fíling á heimilið.                                                Jamm við erum að drekka DANSKT malt og appelsín sem að bragðast alveg eins og það íslenska.                                                                                                  Halli og Svansa vinafólk okkar föttuðu að það er til malt hér í danmörk, yfirleitt er það kallað jólaöl eða hvítöl, en svo fór ég út í búð og þar fann ég "CERES Malt Øl" og það er eins líkt íslenska maltinu og hægt er og svo blöndum við þessu út í "JOLLY ORANGE" appelsín sem að blandast svo saman svona líka vel                           Svo að fyrir þá íslendinga sem að eru búsettir í Dk og hafa ekki fundið þetta fyrr Gjörið þið svo vel, íslensk jólastemming á silfur-fati                                               Já hvað gerir maður ekki þegar maður saknar einhvers að heiman haha

Jæja nenni ekki meiru í bili.

Endilega verið dugleg við að kvitta það er búið að vera sorglega lítið af því undanfarið

Hilsen og knús frá Feitu Dúfunni

Jæja þá eru pabbi, mamma og Jón afi farin heim og allt orðið mjög svo tómlegt hér á heimilinu!!
Það var nú samt mjög gaman hjá okkur Við skelltum okkur til Þýskalands einn daginn og röltum um Flensburg, sem að er komin í jólafötin Við gerðum einnig fleira en ég nenni ekki að telja það allt upp núna, kemur kannski seinna

Já eins og fyrirsögnin segir þá er ég búin að kaupa nánast allar jólagjafirnar, á bara eftir gjöfina fyrir Ívar og þá er ég klár Góð á því... hef aldrei verið búin svona snemma!!

Svo núna er bara að hefja undirbúning fyrir ferðina heim, og þá er ég klár

Er meira að segja búin að hafa samband við gömlu kórfélagana mína og láta vita að ég kem og góla með þeim um jólin...ég verð að fá útrás einhvernveginn...var fyrst að sjá það að það sé kór hér í hverfinu í dag!! og hef ég leitað mikið. Það er nefnilega þannig hér í DK að ef að ég ætla að halda áfram í mínu söngnámi þá er bara einn valkostur ( skilst mér ) og það er að fara að læra í Kaupmannahöfn og ég nenni ekki að fara með lestinni 2 tíma á hverjum degi bara til að syngja, það er að segja ef að ég fæ ekki útrás á annnan hátt, og kirkjukórar eru sko ekki á hverju strái hér

Hlakka mikið til að hitta vinkonurnar þegar ég kem heim, verð bara að koma því að hér Sakna ykkar mikið

Jæja búið í bili er að fara að sofa

Hilsen
Feita Dúfan

Arrg ég var búin að skrifa þvílíka færslu en hún komst ekki inn. Pirrrrrrr!!!!

Jæja það er byrjað að snjóa hér í Danmörkinni. Það er svo æðislegt veður hér í dag... alger stilla, sól og snjór, gerist ekki betra en það. Ég ætla pottþétt út í göngutúr þrátt fyrir svaka kulda, ég er nefnilega svo heppin að eiga nóg af hlýjum útifötum

Já það byrjar alltaf að snjóa þegar ég byrja að spila jölalög hahaha

Já ég er byrjuð, það róar mig niður, kemur mér í tiltektar stuð og ég verð að hlusta á jólalög þegar ég er að föndra fyrir jólin.. og mér finnst jólin bara alveg vera að koma !! Ég er hvort sem er alltaf ein heima á daginn svo að ég er ekki að pína neinn

Meira að segja búin að kaupa fyrstu jólagjöfina..Vá það er stórt fyrir mig að byrja svona snemma hahaha ég er nefnilega svona, alltaf á síðustu stundu með allt mannseskja

Svona af fjölskyldunni að frétta, þá er bara allt við það sama. Okkur gengur vel að aðlagast hér, tungumálið er allt að koma og við erum hægt og rólega að kynnast dönunum í kring um okkur Þeir eru ekki beint opnasta fólkið þrátt fyrir að vera mjög kurteisir. Svo að það tekur tíma að kynnast nóg til að geta kíkt í heimsókn

Ég er búin að kynnast einni mömmunni í bekknum hennar Birgittu, hún virkar mjög fín svona við fyrstu kynni og þau búa nánast í næsta húsi sem að er mjög þægilegt

Við aftur á móti þekkjum mikið af íslendingum hér og erum búin að skíra Odense "Litlu Vogar" það er nefnilega alveg ótrúlegur fjöldi af Vogabúum sem að búa hér !! Svo að við höfum það bara mjög gott

Mig dreymdi skrítin draum í nótt. Mig dreymdi að það hefðu orðið mistök og að Dúra amma hefði ekki dáið eins og við héldum!! Auðvitað var ég algjörlega í skýjunum í draumnum og það var svo gott að geta talað við hana aftur og knúsað hana ( besta knús í heimi hún var svo mjúk ) Og eins og þið getið ímyndað ykkur þá var ég mjög svekkt þegar ég vaknaði og komst að því að þetta var bara draumur. En það var samt yndislegt að geta knúsað hana þótt að það væri bara í draumi, betra en ekkert...kannski var hún bara að heimsækja mig og láta vita af sér.. hver veit !!

Jæja læt þetta gott heita í bili... ég er búin að skrifa þetta tvisvar núna svo að puttarnir eru orðnir svolítið þreyttir og ég þarf að fara að læra og ég verð víst að nota þá við það

Kveð í bili úr frosti, sól og stillu...

Feita Dúfan

Jæja þá eru tengdó farin og húsið hálf tómlegt. En það styttist sem betur fer í mömmu,pabba og Jón afa svo að þetta reddast. Þau koma og verða yfir 6 ára afmælið hjá Birgittu og ég get sagt ykkur að hún er í skýjunum yfir öllum þessum heimsóknum og Guðbjörg einnig.

Þær hafa það bara mjög gott báðar tvær og eru að fíla það í botn að vera saman í herbergi aftur Þær eru svo nánar systur

Guðbjörg er búin að koma okkur mikið á óvart undanfarið með því að tala frekar mikla dönsku, orðin sem að við héldum að væru bara barnamál voru víst bara danska sem að við skildum ekki En núna er hún farin að tala hana skýrar svo við föttuðum hin ýmsu orð sem að litla skottið er búin að vera segja í lengri tíma...úbbs

En svona erum við bara Við erum farin að ná mállískunni hérna og þá kom að því að við skildum dætur okkar betur Birgitta er auðvitað að brillera í dönskunni miða við það sem að kennarinn hennar segir. Og hún á núna danskar vinkonur og getur léttilega talað við þær, svo að hún er í raun og veru betri en við Ívar

Jæja ég var að fá bækurnar fyrir fjarnámið svo að núna þarf ég að keyra allt á fullt í því að læra heima. En mér hefur alltaf gengið best undir mikilli pressu og þegar allt er á síðustu stundu.. ég er bara svona redda þessu á síðustu stundu manneskja En sem betur fer þá gengur það bara ágætlega hjá mér að vera svona. Hjúkk !!!!

 Vá hvað mig hlakkar til jólanna en mig kvíður einnig gífulega fyrir þeim.

Þetta eru fyrstu jólin síðan að Dúra amma lést, sem að ég næ að komast í almennilegan jóla fíling..við gerðum nefnilega allt föndur og svoleiðis saman fyrir jólin í svo mörg ár. Við vorum líka báðar tvær algjörlega út af kortinu í að skreyta fyrir jólin... það er vara svo að það sjáist í tréð fyrir skrauti

En núna þá verðum við á íslandi og ég skreyti ekkert með mínu skrauti og til að bæta gráu ofan á svart þá getum við orðað það þannig.. fjölskyldan hans Ívars skreytir nánast ekki neitt að mínu mati ( munið það samt að ég er pínu MIKIÐ jólabarn svo að það er ekki það að þau skreyti ekki, en ég get talið kúlurnar á trénu!! ) Og við verðum mjög líklega þar á aðfangadag, ekki það að það sé neitt ráðið ennþá.

Kannski að tengdó leyfi mér að skreyta svona bara þessi jól haha

Ég fæ alla vega að baka fyrir jólin, hún lét mig vita af því að það mætti ég alveg taka að mér, og það geri ég með glöðu geði því ég elska að baka, hef bakað þó nokka ekstra skammta síðustu ár fyrir mína nánustu.

Þetta er náttúrulega mjög skrítið fyrir mig því að við Ívar höfum haldið jólaboð síðastliðin ár, þannig að ég var að sjá um allt og ég get sagt ykkur það að ég elska það. Svo núna verður mjög tómlegt hjá mér, því að ég kaupi allar jólagjafirnar hérna úti og þarf ekki að skreyta og baksturinn tekur ekki langann tíma svo að það vantar týpíska íslenska jóla stressið Það kemur eflaust eitthvað í staðin

Ég er ekki að kvarta en þetta er bara skrítið að hugsa til

Kannski nær maður aftur gamla jóla andanum með því að slappa pínulítið af, hver veit

Jæja nenni ekki meiru í bili

Kveðja úr afmælis stússi og jóla hugleiðingum...

Feita Dúfan

Jæja þá er ég formlegaorðin sérfræðingur í Ikea samsetningum hahaha Við höfum verið að setja saman svo mikið af hlutum frá Ikea að það er ekki einu sinni fyndið, en svona er það þegar maður býr þröngt, eða allavega þrengra en áður

En að öðru... Birgitta, Ívar og ég hlupum í skólahlaupinu á föstudaginn síðasta Það er íþróttadagur í öllum skólum hér í dk daginn fyrir vetrarfríið. Það væri svo sem ekki í frásögu færandi, nema það að við hlupum heila 5 kílómetra..úff!!! Við komumst svo að því að 0 og 1 bekkur áttu bara að hlaupa 3 kílómetra en samt náðum við að vera með þeim fyrstu í bekknum hennar ( held að hún hafi verið nr.2 eða 3 ) og hún var númer 51 yfir allann skólann og þá er ég að tala um að það voru krakkar allt upp í 9 bekk að keppa við hana . Alla vega þá erum við svo stolt af stelpunni okkar að við erum að springa ( og Ívar er svo stoltur af mér því að ég hef ekki hlaupið svona langt í mjög langann tíma ) Hún ætlar að verða hlaupagikkur eins og mamma sín, ja hún er alla vega ekki með íþróttagenin hans pabba síns ( ANTISPORTISTI  á sínum yngri árum, eða alla vega ekki fyrir hefðbundnar íþróttir )

Mér finnst samt bara best að hún skuli hafa gaman af því að hreyfa sig, það finnst mér mjög mikilvægt hjá börnum  

Já og annað við fórum í klippingu í morgun sem að væri ekkert til að tala um nema það að Birgitta bað um að láta klippa sig nokkuð stutt, sem að er mjög nýtt hjá henni þar sem að allt hefur gengið út á sítt hár hjá henni í nokkur ár En hún vildi fá það svona millisítt ( niður að hnakka ) og hún fékk það. Sú er líka ánægð núna...vá!!  Og auðvitað þá varð Guðbjörg að vera eins og systir sín, en það var kannski meira af nauðsyn en nokkru öðru, Birgitta var nefnilega búin að "snyrta" hárið á henni fyrir stuttu  En Guðbjörg var einnig mjög ánægð með sína klippingu og sveifluðu þær hárinu til og frá í dag Ég og Ívar erum einnig mjög ánægð

Jæja bara tveir dagar þangað til að tengdó koma í heimsókn, okkur hlakkar svo mikið til. Stelpurnar vita ekkert og þar sem að þau lenda svo seint þá munu stelpurnar bara hitta þau á föstudagsmorguninn. Vá hvað mig hlakkar til að sjá svipinn á þeim þá Get varla beðið

Við ætlum að reyna að kíkja í Lególand á fimmtudaginn því að það er að fara að loka fyrir veturinn og maður reynir að nota árspassann sinn eins mikið og maður getur haha. En okkur finnst þetta jafn gaman og stelpunum svo að það er ok

Jæja ætla að fara að glápa á imbann með kallinum mínum, hann er svo einmanna fyrir framan skjáinn hahaha

Kveðja Feita dúfan

Get varla beðið þangað til að Jón afi og pabbi og mamma koma í heimsókn. Okkur er farið að líða eins og það séu komin jól við erum svo spennt yfir því að fá ættingjana í heimsókn

P.S. Silla mamma ef að þú lest þetta skilaðu þá kveðju til hans Jóns afa og það er svo gaman að sjá kommentin frá ykkur öllum.

Og Eygló..innilega til hamingju með bumbubúan Kíki í kaffi til þín í des þegar ég kem til landsins

Vá hvað mér finnst mikið af fólki sem að ég þekki eða kannst við vera að deyja!!

Einn af mínum "stóru bræðrum" er dáinn. Já eins og flestir vita þá á ég ekki stóran bróðir hvað þá nokkra, en ég er alin upp í björgunarsveit og þar átti ég þó nokkur "stóru systkyni" sem að mér þykir ávallt vænt um. Það er því mikið áfall að einhver úr þessum hóp sé fallinn frá. Hann Bragi var einn af mörgum heimalingum hjá mömmu og pabba þegar mamma var formaður í Stakk. Þau kölluðu mömmu og pabba meira að segja Gugga mamma og Biddi pabbi Þess vegna fór ég að kalla þau stóru systkynin mín. Seinna urðu þetta alveg frábærir félagar sem að tóku mér eins og ég er og létu sér ekki skipta að ég var 5-8 árum yngri en þau Ég á mínar bestu minningar frá þessum tíma. Það var alltaf stutt í húmorinn og stríðnina hjá Braga og þegar ég hugsa um hann þá man ég alltaf hvernig hann glotti til mín eins og ég ætti bara að passa mig á því hverju hann gæti tekið upp á  

Jæja Bragi minn ég vona að við munum hittast á ný. Guð fylgji þér á leið þinni í ljósið. Stakks-partýin verða ekki söm án þín, það er eitt sem að víst er. Mig langar að láta fylgja þér ljóð sem að ég samdi og mér finnst viðeigandi núna:

Huggun

Kæri vinur ég sakna þín,

ég vildi að þú kæmist aftur til mín.

En þú ert umvafin ljósi þar,

eins og þú varst reyndar allstaðar.

Sárt er að horfa á eftir þér,

en ég veit að þú munt muna eftir mér.

Því þitt hreina hjarta og bjarta sál,

munu þerra okkar trega tár.

 

Kæri vinur farðu í friði og megi Guð styrkja dætur þínar, Thelmu og aðra ástvini og félaga.

 

 

En að öðru...

Lífið hér gengur sinn vanagang. Birgittu gengur vel í nýja skólanum og er búin að eignast nýjar vinkonur. Er að fara í sitt fyrsta afmæli í bekknum á morgun hjá Maríu vinkonu sinni

Guðbjörg er farin að babla svo mikið á dönsku en samt bara orð og orð en svo eru örfáar setningar inn á milli Svaka dugleg. Mesta vesenið við að setja hana á leikskólann á morgnanna er það að krakkarnir eru of dugleg að fagna henni. Barnið er víst svona svakalega vinsæl að það jaðrar við það að vera óþægilegt Hún á eftir að verða stór stjarna með þessu móti Ekki það að hún sækist eftir athyglinni, hún vill ekki hafa neinn of mikið ofan í sér, týpýsk meyja eins og mamma

Ívari gengur vel í skólanum og er hann alltaf að ná dönskunni betur og betur. Hann er samt eins og hann á að sér að vera finnst að hann sé alveg út að aka, en bara svo að þið vitið þá finnst honum það alltaf en svo brillerar hann Ég reyni að minna hann á það er svona er kallinn minn ÞRJÓSKUR Vill ekki trúa því

Af mér er allt við það sama bíð bara eftir bókunum frá Íslandi svo að ég geti byrjað í fjarnáminu. Ég er búin að tapa mér eins og kallinn minn segir alltaf ég er búin að missa 5 kíló á tveim vikum. Og viljið þið vita hverning....ég byrjaði að borða oftar og drekk aðeins meira vatn Já og mætti einu sinni í ræktina En núna er ég að fara á fullt í hana, en bara eftir að ég og Ívar klárum að mála í gömlu íbúðinni. Verð ekkert smá fegin þegar það er búið 

Svo erum við að fara að taka á móti tengda mömmu og tengda pabba núna 19 okt og svo koma pabbi, mamma og Jón afi þann 10 nóv og verða þau yfir afmælið hennar Birgittu Stelpurnar vita ekkert því að þær myndu deyja úr spenningi ef að þær vissu þetta  

Okkur hlakkar svo til að hitta fjölskylduna að við erum sjálf að farast úr spenningi

Vetrarfríið er í næstu viku og mig hlakkar til..nóg að gera

Settum stelpurnar saman í herbergi aftur, bæði vegna allra gestanna og einnig því að þær virðast vilja vera saman Svona eiga góðar systur að vera Bara stolt mamma   Nei þær eru orðnar svo vanar að vera saman að þeim finnst það best þannig. Það hentar okkur auðvitað mjög vel því að þá fáum við auka herbergi, þangað til að þær biðja um annað

Jæja hætt í bili..

Hugsið vel um hvort annað, lífið er bara allt of stutt til að sóa því í vitleysu.

Love you all....

Feita Dúfan (sem að er mikið að hugsa um lífið og tilveruna og því mjög meir)

Já það er búið að vera brjálað að gera undanfarið.

Birgitta er byrjuð í nýja skólanum og gengur það alveg frábærlega. Hún eignaðist strax vinkonur og allir krakkarnir tóku henni mjög vel. Kennnarinn er frábær og fólkið í frístundaskólanum einnig. Bara allt "brilljant" hjá litlu dömunni. Henni líður einnig mikið betur og er farin að haga sér eins og henni einni er lagið...hún er svoddan fiðrildi, það er ekki hægt að breyta því, og ég vil það heldur ekki

Já núna er ég orðin Versló gella, verð að fá mér brunkuklúta og svoleiðis nauðsynjar ef marka má það sem að ég hef heyrt hahaha nei bara smá skot. Ég er byrjuð í fjarnámi við Versló, það tók svo langann tíma að fá svar hvort að það næðist að troða mér í bekk hér í VCU að ég gafst upp á að bíða. Fékk svo bréf fyrir helgi um að ég kæmist inn. Verð að svekkja þá með því að ég valdi annann

Ívar bauð mér út um helgina. Voða sætur. Hann reddaði Atla og Hjördísi til að passa litlu skotturnar og fá þau þúsund þakkir fyrir, stelpurnar dýrka að fá að hitta þau.

Við byrjuðum á því að fara í bíó á myndina "Clik" römbuðum reyndar inn í vitlausan sal og byrjuðum að horfa á einhverja danska mynd haha bara asnalegt að þurfa að standa upp og labba burt

Þegar myndin var búin, sem að "bæ þe vei" var mjög góð og fær mann til að hugsa, þá röltum við um bæinn og svo bauð hann mér á fínan kínverskann stað og svo fórum við á djammið. Skemmtum okkur vel, en við erum ekki að ná því að við erum bara gjörsamlega búin á því kl 3. Heima þá djammaði maður alveg eins og brjálæðingur til 6-7 á morgnanna ef að maður komst upp með það, og allur næsti dagur var líka ónýtur. Hérna þá vorum við komin heim kl 3 og vorum við bara hress og kát. Sváfum reyndar til hádegis en við höfum heldur ekki fengið mörg tækifæri til að sofa út svo að það var augljóst að við þurftum á því að halda, allir fluttningarnir og stressið leið úr okkur og við vöknuðum endurnærð. Svo að ég verð að segja enn og aftur TAKK Atli og Hjördís þið eruð æði

Já núna sit ég hér heima með Guðbjörgu sem að er enn veik en ekki eins mikið og áður. Hún er búin að vera með einhverja vírussýkingu alla síðustu viku og er enn með ljótann hósta svo að ég held henni heima en sem komið er.

Ívar er í skólaferðalagi og kemur ekki heim fyrr en á morgun. Veit ekki afhverju en ég er alltaf með hnút í maganum þegar hann fer eitthvað. Kannski eru það afleiðingar þess þegar hann lenti í bílslysinu á reykjanesbrautinni fyrir mörgum árum. Það er það erfiðasta sem að ég hef upplifað, að horfa upp á manninn sinn liggja inni á gjörgæslu illa slasaðann. Gleymi því aldrei. Mundi ekki einu sinni númerið hjá afa og ömmu ég var í svo miklu panikki þegar ég frétti hvað hefði komið fyrir. Ojjj vona að við þurfum ekki að upplifa þetta aftur.( og nei hann var ekki að keyra fyrir þá sem að eru að velta því fyrir sér ) Nei ég veit ekki afhverju ég er alltaf svona en það verður víst bara að hafa það, ekki get ég stoppað manninn í því að skemmta sér

Já svo núna sit ég ein hér heima með litlu prinsessuna og náði að hafa smá tíma fyrir mig til að blogga Veit að ég er ekki sú duglegasta við það en ég reyni að bæta mig. Kannski að þetta skáni núna þegar ég er í tölvunni alla daga.

Ívar hengdi upp málverkin okkar í gær...o hvað það er gott að hafa myndir að heiman uppi á vegg.. það eru tvær af Þingvöllum og ein af keilir dásamlegt og núna er stofan svo kósý að mig langar ekki úr henni

Jæja læt þetta gott heita í bili, hef ekki frá meiru að segja sem að ég man eftir svo að ég er hætt

Kveðja frá Odense....

Feita dúfan